Barakaldo

Urban-Galindo operazioa 1998an hasi zen. Helburu hau zuen: Barakaldo itsasadarraren ertzera hurbiltzea, urte askoan industria siderurgikoak hartu zituen 600.000 metro karratuko lurzoruak berreskuratuz. Lurzoru horietako gehienak Bizkaiko Foru Aldundiak laga zizkion BILBAO Ría 2000ri, Administrazio Kontseiluko kideetako bat baita.

Jarduketa horrek bizirik irauten du oraindik, eta BILBAO Ría 2000 lanean ari da ingurunearen urbanizazioa eta birgaikuntza osatzeko, finkaturiko proiektu eta planen arabera.

Urban-Galindon hiria zabaldu egiten da urarekin topo egin arte. Esan daiteke hirigunearen benetako zabalgunea dela; hala, aurreikusitako etxebizitza gehienak eraiki dira dagoeneko, eta, gainera, bertan kokatu dira ekonomia- eta industria-jarduerako eraikinak, enpresa-zentro bat, kirol-ekipamenduak eta berdegune nahiz aisialdirako gune zabalak.

Hirigintza-operazio horren bidez, Bilboko metropolialdean duen kokapen zentralagatik eta estrategikoagatik Barakaldori dagokion zeregin gailena betetzea eragozten zuten oztopoak desagertuz joan dira pixkanaka.

BILBAO Ría 2000ren hurrengo erronka hauxe da: itsasadarraren inguruan bigarren erribera-parkea eraikitzea. Lehena Galindo ibaiaren ondoan eraiki zen. Horretarako, ideia-lehiaketa bat antolatu du jada.