Erribera Parkea

Erribera-parkea izan zen Bilboko herritarrek eta bisitariek ezagutu eta gozatu ahal izan zuten Abandoibarrako lehen obra handia. Gauzatutako proiektua, hain zuzen ere lehiaketa irabazi zuena, Javier López Cholletena izan zen. Parkeak itsasadarra inguratzen du Euskalduna jauregiaren eta Uribitarteren artean, eta lehendik zeuden pasealekuak lotzen ditu.

Era berean, hainbat eskultura hartzen ditu «Memoriaren pasealekua» deritzonean. Euskal eta nazioarteko artista nabarmenek egindako eskultura horiek gogora ekartzen dute gaur egun dauden lekuan garai batean zegoen industriaren indarra.