Lasesarre futbol-zelaia

Eduardo Arroyo arkitektoaren proiektuaren arabera eraiki zen Lasesarre futbol-zelai berria. Arkitekto bera izan zen ondoko Desertuko plazaren egilea ere. Eraikinaren diseinuak burdin hesiaz osatutako horma-sistema bat du bere inpaktu bisuala minimizatzeko. Sistema horrek argitasun handia ematen dio ekipamenduari, eta antzeko beste ekipamendu batzuetan ohikoa den bloke itxiaren itxura saihesten du. Egiturak 16 modulu independente ditu, eta horietako bakoitzak sarbideak eta zerbitzuak ditu, baita polikarbonatozko estalki zeharrargi bat ere, argi naturala harmailetara iristea ahalbidetzen duena. Futbol-zelaiaren kanpoaldean, iparraldean, berdegune bat jarri zen, 1001 makalez hornitua. Zuhaitz horiek hiri-baso gisako espazio berezia osatzen dute.