Ametzolako geltokia

Ametzolako geltokiak Renferi ematen dio zerbitzua, bai zabalera iberikoko trenbidean bai trenbide estuan. Bere arkitektura berezia dela eta, hegoaldeko lineako geltokietatik ikusgarrienetako bat da. Geltokiak zarata leuntzeko sistema bat du, Autonomiako geltokian ere erabiltzen dena.

Lurpeko geltokia bada ere, argi naturala hartzen du. Horretarako, kalera ematen duten sabai-leiho batzuk ditu, eta haien bidez hartzen dute argia geltokian landatutako zuhaitzek. Paisajismo-lana da obraren ezaugarri nabarmenetako bat.